دوێنێ بەهۆی ئەو گرژییەی لەنێوان ژماره‌یه‌ك لە هاندەران كه به‌هۆی سه‌ركه‌وتنی هه‌ڵبژارده‌ی مه‌غریب له مۆندیال ئاهەنگیان ده‌گێڕا و هێزه‌كانی پۆلیس درووستبوو لە پاریسی پایتەختی فەرەنسا، 108 کەس ده‌ستگیركران.
بەڕێوەبەرایەتی ئاسایشی پاریس لە راگه‌یه‌ندراوێكدا لە تۆڕی کۆمەڵایەتی تویتەر سوپاسی ئەو هێزە ئەمنییانەی کرد کە لە شەقامی شانزێلیزێ و لە دەوروبەری پاریس لە چوارچێوەی رێكاره‌كانی مۆندیالدا دوێنێ له ئه‌ركدا بوون.
لە راگه‌یه‌ندراوه‌كه‌دا هاتووە، گرژی لەنێوان ژماره‌یه‌ك لە هاندەران كه ئاهه‌نگیان ده‌گێڕا بۆ سه‌ركه‌وتنی مەغریب بۆ قۆناغی پێش کۆتایی و پۆلیس درووستبووه و 108 کەسیش بە پاساوی "هۆکاربوون بۆ زیان و هەڵگرتنی بۆمبی دوکەڵ و ئه‌نجامدانی توندوتیژی" ده‌ستگیركراون.
رۆژنامەکانی فەڕەنسا بڵاویان کردەوە نزیکەی 20 هەزار کەس بەشدارییان له ئاهەنگەکانی دوێنێی شەقامی شانزێلیزێ کردووە.
کۆمێنت (0)
تا ئێستا هیچ کۆمێنتێک نەکراوە.