پارێزگاری هەولێر ئەمڕۆ دووشەممە 12ـی 12ـی 2022 زانیاری لەبارەی دابەشکردنی نەوتی سپی لە سەنتەری شار دا و ڕایگەیاند، لەگەڵ وەزارەتی سامانە سروشتییەکان لە هەوڵداین بۆ ئەوەی لە چەند ڕۆژی داهاتوو نەوتی سپی لە سەنتەری شار دابەش بکرێت.
لە میانی دەستکردن بە قۆناغی دووەمی پڕۆژەی قیڕتاوکردنی شەقامە ناوخۆییەکانی گەڕەکی 8 هەزاری فەرمانبەران، کە بەگوژمەی (700 ملیۆن دینار) لەسەر بودجەی پەرەپێدانی پارێزگای هەولێر جێبەجێ دەکرێت، ئومێد خۆشناو، پارێزگاری هەولێر بۆ دەزگاکانی ڕاگەیاندن لێدوانی دا.
لە میانی ئەو لێدوانەیدا پارێزگاری هەولێر ڕایگەیاند: بڕیاربوو پێش مانگی 12 دابەشکردنی نەوتی سپی لە سەنتەری شارەکان دەستپێبکات، بەڵام دواکەوت.
ئومێد خۆشناو جەختی کردەوە کە لەگەڵ وەزارەتی سامانە سروشتییەکان لە هەوڵدان و گفتوگۆ دەکەن، بۆ ئەوەی لە چەند ڕۆژی داهاتوو نەوتی سپی لە سەنتەری شاری هەولێر دابەش بکرێت.
کۆمێنت (0)
تا ئێستا هیچ کۆمێنتێک نەکراوە.