پۆلیسی سلێمانی دەستگیرکردنی ئەو تۆمەتبارەی ڕاگەیاند، کە خۆی لە کەسێک دابوو، بە برینداری جێیهێشتبوو.
بەڕێوەبەرایەتی پۆلیسی سلێمانی ڕایگەیاند: دوای ئەوەی زانیاری گەیشتە ھێزەکانی پۆلیس لە بوونی ڕووداوێک کە تۆمەتبارێک بەئۆتۆمبێل لە ھاووڵاتییەکی دابوو پاشان بە برینداری جێیھێشتبوو، دوای ڕووداوەکە تۆمەتبار بۆ شوێنێکی نادیار ھەڵاتبوو.
ڕاشیگەیاند: دەستبەجێ ھێزەکانی پۆلیس لێکۆڵینەوەکانیان بۆ دۆزینەوە و دەستگیرکردنی تۆمەتبار دەستپێکرد، سەرئەنجام توانرا لەماوەیەکی کەمدا و ھەمان شەوی ڕووداوەکە تۆمەتبار بدۆزرێتەوە و دەستگیر بکرێت، ھەروەھا دەستیش بەسەر ئۆتۆمبێلی تۆمەتباردا گیرا.
پۆلیسی سلێمانی ئاماژەی بەوەش دا کە ئێستا تۆمەتبار (م. ع. ع) لەدایکبووی 1991 بە بڕیاری دادوەر ڕاگیراوە و لێکۆڵینەوەکان بەردەوامە.
کۆمێنت (0)
تا ئێستا هیچ کۆمێنتێک نەکراوە.