ئەمڕۆ سێشەممە 13-12-2022 مەسرور بارزانی،سەرۆكی حكومەتی هەرێمی كوردستان پێشوازی لە شاندێكی ئاژانسی هاریكاری نێودەوڵەتیی ژاپۆنی ( جایكا) بە سەرۆكایەتی ئاندۆ ناوۆكی، جێگری سەرۆكی ئاژانسەكە كرد.
لەدیدارەكەدا شاندی جایكا كورتەیەكیان دەربارەی كار و چالاكییەكانی ئاژانسەكەیان لە هەرێمی كوردستان خستەڕوو كە بە هاوئاهەنگی لەگەڵ حكومەتی هەرێمی كوردستان چەندین پڕۆژە لە بوارەكانی كارەبا و ئاو و ئاوەڕوو و كشتوكاڵ و هەمواركردنی ماستەرپلانی هەولێر ئەنجام دەدەن.
هەروەها شاندەكە هەروەها ئامادەیی كۆمپانیاكانی ژاپۆنیان بۆ وەبەرهێنان كردن لە هەرێمی كوردستان دەربڕی.
هاوكات سەرۆكی حكومەت سوپاسی حكومەتی ژاپۆن و ئاژانسی جایكای كرد كە لە ڕێگەی ئەنجامدانی پڕۆژەكانیان بە شێوەیەكی باش و پیشەییانە، هاوكاری حكومەتی هەرێمی كوردستان دەكەن لە پرۆسەی ئاوەدانكردنەوە و بنیاتنانی ژێرخانێكی بەهێزی ئابووری لە هەرێم.
سەرۆكی حكومەت پێشوازی لە شاندێكی ئاژانسی هاریكاری نێودەوڵەتیی ژاپۆنی دەكات
100%
کۆمێنت (0)
تا ئێستا هیچ کۆمێنتێک نەکراوە.