ئەمڕۆ چوارشەممە، دەستەی ڕاگەیاندن پەیوەندییەكانی عێراق پلانەكانی بۆ پەرەپێدانی خزمەتگوزاری پەیوەندییەكان لە ماوەی چەند مانگی داهاتوودا ڕاگەیاند و لە كاتێكدا پشتڕاستی كردەوە كە قسەكردن لەسەر گرانكردنی نرخی خولەكی پەیوەندیكردن و ئینتەرنێت نادروستە.
عەلی موئەییەد، سەرۆكی دەستەكە، بە ئاژانسی هەواڵی عێراقی (INA)ی ڕاگەیاند، باسكردن لەسەر گرانكردنی نرخی پەیوەندی خولەك و ئینتەرنێت نادروستە.
ئاماژەی بەوەشكرد "ئەم دەنگۆیە مەبەست لێی كەمكردنەوەی بەهای بڕیاری هەڵوەشاندنەوەی باجی سەركارتە ،كە لەلایەن ئەنجومەنی وەزیرانەوە دەنگی لەسەر درا.
گوتیشی:هەڵوەشاندنەوەی باج لە بەرژەوەندی هاووڵاتیانەو ژوورێكی ئۆپەراسیۆنیش لەگەڵ كۆمپانیاكانی پەیوەندیكردن پێكهێنراوە، كە سەرجەم بریكارە فەرمیەكانیان ئاگاداركراونەتەوە كە نرخەكە زیاد نەكەن.
ناوبراو لە درێژەی قسەكانیدا گوتی: تیمە گەڕۆكەكانمان بە هاوكاری ئاسایشی نیشتمانی، كار بۆ چارەسەركردنی ئەم پرسە دەكەن.
ئاماژەی بەوەدا كە هاوكارییەكی گەورە لەلایەن هاوڵاتیانەوە هەیەو ناتوانرێت ئەو سكاڵایانە كە لەڕێگەی ژمارە 177ی دەسەڵاتی ڕاگەیاندن و پەیوەندییەكانەوە وەرگیراون پشتگوێ بخرێن.
جەختیشی لەوە كردەوە كە كۆمپانیاكانی پەیوەندیكردن پابەندن بە بڕیاری هەڵوەشاندنەوەی باجەكە، سزای توندیش بۆ كۆمپانیاكانی سەرپێچیكار دەبێت.
ئاماژەی بەوەشكرد، كەپلان هەیە بۆ باشتركردنی خزمەتگوزاری و كوالێتی پەیوەندییەكان لە چەند مانگی داهاتوودا.
حكومەتی عێراق لەبارهی گرانبوونی نرخی خولەكی پەیوەندیكردن و ئینتەرنێت هاتە دەنگ
100%
کۆمێنت (0)
تا ئێستا هیچ کۆمێنتێک نەکراوە.