ئێوارەی ئەمڕۆ پێنجشەم بە ئامادەبوونی ئومێد خۆشناو پارێزگاری هەولێر و ژمارەیەکی زۆر لە هونەرمەندان و خانەوادە و کەسوکار و هاوڕێیانی، یەکەمین ساڵیادی کۆچی دوایی هونەرمەندی دیاری شاری هەولێر عەزیز سەلام لە هوتێل چوارچرا لەژێر دروشمی (کۆچ) بە ڕێزلێنان لە ژمارەیەک هونەرمەند لەلایەن گرووپی (Z) بۆ کاری هونەری کرایەوە.
عەزیز سەلام هونەمەندە دیار و ڕووح شیرینەکەی هەولێر، یەكێك بوو لە گۆرانیبێژە هەرە دیارەكانی شاری هەولێر و ساڵانێكی زۆر خزمەتی هونەری موزیک و گۆرانی کردووە و خاوەنی ستایلێكی تایبەتی بە خۆی بوو لە گۆرانی گووتندا.
عه‌زیز سه‌لام جگە لە بڵاوکردنەوەی چەندین ئەلبووم، خاوەنی هەوادارێكی زۆر بوو لە کوردستان، بەداخەوە ساڵی ڕابردوو لە ڕووداوێکی نەخوازراودا کۆچی دوایی کرد.
کۆمێنت (0)
تا ئێستا هیچ کۆمێنتێک نەکراوە.