به‌ره‌به‌یانی ئه‌مڕۆ هه‌ینی بوومه‌له‌رزه‌یه‌ك له سنووری پارێزگای دهۆك ڕوویداوه و به‌شێك له خه‌ڵكی هه‌ستیان به زه‌وی له‌رزه‌كه كردووه.
به‌شار عه‌لی په‌یامنێری (كوردستان تیڤی) ڕایگه‌یاند: به‌ره‌به‌یانی ئه‌مڕۆ هه‌ینی له دوای كاتژمێر 3 بوومه‌له‌رزه‌یه‌ك له سنووری شاره‌دێی شیلادزێ ڕوویداوه.
ڕاشیگه‌یاند: به‌هۆی ئه‌وه‌ی كاته‌كه‌ی زوو بووه و خه‌ڵكی له‌خه‌ودابوون، به‌شێكی كه‌م له هاووڵاتییان هه‌ستیان به بوومه‌له‌رزه‌كه كردووه.
لای خۆشییه‌وه ده‌سته‌ی كه‌شناسی و بوومه‌له‌رزه‌زانی عێراق ڕوودانی بوومه‌له‌رزه‌كه‌ی پشتڕاستكرده‌وه و ڕایگه‌یاند كه قه‌باره‌ی له‌رزینه‌كه‌ی 3.8 بووه به پله‌ی ڕێخته‌ر.
کۆمێنت (0)
تا ئێستا هیچ کۆمێنتێک نەکراوە.