بۆ سوودمەندبوونی هاووڵاتییان لە بڕیارێک؛ سبەی لە فەرمانگەیەک دەوام دەبێت

سبەی شەممە 17ـی 12ـی 2022 بە مەبەستی سوودمەندبوونی هاووڵاتییان لە بڕیارێک دەوامی فەرمانگەیەک دەبێت.

بەڕێوەبەرایەتیی ئاو و ئاوەڕۆی هەولێر ڕایگەیاند: سبەی شەممە بەڕێوەبەرایەتییەکەمان بۆ سوودبینینی هاووڵاتییان لە داشکانی کرێی بەستانی پێوەری ئاو و ڕاییکردنی مامەڵەی هاووڵاتییان لە کار بەردەوامە.

ئەمەش لەدوای ئەوە دێت کە بە گوێرەی دوایین ڕێنمایی وەزارەتی شارەوانی و گەشتوگوزار، تاوەکوو ڕێکەوتی 21ـی 12ـی 2022 هەر هاووڵاتییەک ئەگەر پێوەری ئاوی نەبەستاوە و  پێوەر ببەستێت، ئەوا سوودمەند دەبن لە داشکانی کرێی ئەو مانگانەی کە لە سەریانە.

پێشتر بڕی 80 هه‌زار دینار بوو كرا بە 20 هەزار دینار بۆ ناوەوەی شار و بڕی 10 هەزار دینار بۆ دەرەوەی شارەکان، بە پێچەوانەوە بڕی 80 هەزار دینار مانگانە ئەژمار دەکرێت.