پەیامی سەرۆكی حكومەتی هەرێمی كوردستان بەبۆنەی ڕۆژی ئاڵای كوردستان 

مەسرور بارزانی،سەرۆكی حكومەتی هەرێمی كوردستان بە بۆنەی رۆژی ئاڵای كوردستان پەیامێكی بڵاو كردەوە كە ئەمەش دەقەكەیەتی..
لە ڕۆژی ئاڵای كوردستاندا، یادی ئەم ئاڵایە كە ئاڵای هەموو پێكهاتە جیاوازەكانی كوردستانە بەرز و پیرۆز ڕادەگرین . 
سەری ڕێز و نەوازش بۆ شەهیدە سەربەزرەكانمان دادەنوێنین، كە لە پێناو ئەم ئاڵایە و خاكی كوردستان، گیانی حۆیان بەخت كرد. 
سوپاس و دەستخۆشی لە پێشمەرگە قارەمانەكان دەكەین، كە بە تێكۆشان و خۆڕاگری و قوربانیدان، ئەم ئاڵایەیان هەمیشە بەرز و شەكاوە ڕاگرتووە.
با هەموومان لە ژێر سایەی ئەم ئاڵایە پیرۆزە، بەرەو ئاشتەوایی و ئاوەدانیی زیاتری كوردستان هەنگاو بنێین.
ڕۆژی ئاڵای كوردستان پیرۆز بێت.