پۆلیسی هه‌ولێر: ئه‌و كه‌سه‌ی له‌قه‌زای خه‌بات كه‌سێكی كوشت و یه‌كێكیشی برینداركرد ده‌ستگیركرا

پۆلیسی هه‌ولێر روونكردنه‌وه‌ له‌سه‌ر ده‌ستگیركردنی كه‌سێكی راگه‌یاند. 
ئه‌مرۆ دووشه‌ممه‌ 19ى12ى2022، له‌ راگه‌یاندراوێكدا، به‌رێوه‌به‌رایه‌تی پۆلیسی هه‌ولێر بڵاویكرده‌وه‌: دوای بەدواداچوونێکی چڕ و وورد و چاودێریکردنێکی زۆر هێزەکانمان لە بەڕێوەبەرایەتی پۆلیسی پارێزگای هەولێر كاتژمێر 11:30ى شه‌وی رابردوو، تۆمەتبار (ک. ش. چ.) کە لە ڕێکەوتی (17ى12ى2022)، لە قەزای خەبات هەڵسابوو بەکوشتنی (ڕێباز حەیدەر) و زامدار کردنی (فەرهاد ئه‌حمه‌د)، خۆی ڕادەستی هێزەکانمان لە بەڕێوەبەرایەتی پۆلیسی پارێزگای هەولێر کرد .
 پۆلیسی هه‌ولێر ئاماژه‌ی به‌وه‌شكردووه‌، بۆ ئەم مەبەستەش پەڕاوی لێکۆڵینەوەی بۆ کرایەوە و ڕەوانەی بەردەم دادوەری لێکۆڵینەوە کرا بۆ ئەوەی ڕێڕەوی یاسایی بەرامبەر تۆمەتباری بکوژ بگیرێتە بەر.