یاریزانانی هەڵبژاردەی ئەرجەنتین پاڵەوانی جامی جیهانیی "FIFA" 2022 لە دەرەوەی یاریگا لەناو ئەو پاسە تایبەتەی بۆیان ئامادەکرابوو سڵاویان لە هاندەرانیان کرد و خۆشی خۆیان دەربڕی.
یاریزانانی هەڵبژاردەی ئەرجەنتین کە لە یاری کۆتاییدا بە لێدانی یەکلاییکەرەوە لە فەڕەنسایان بردەوە و بۆ سێیەم جار لە مێژووی خۆیاندا جامی جیهانییان بەرزکردەوە لە دەرەوەی یاریگاش لەگەڵ هەزاران هاندەر خۆشی خۆیان دەربڕی و ئاهەنگیان گێڕا.
یاریزانان دوای ئەوەی لەناو یاریگا لەگەڵ خێزانەکانیان و هاندەرانیان ئاهەنگیان گێڕا، بە پاسێکی کراوەی تایبەت بە شەقامی ناوچەی لوسیل رۆژهەڵاتی قەتەر تێپەڕین و سڵاویان لەو هاندەرانە کرد کە نەیانتوانیبوو بچنە ناو یاریگا. نمایشی یارییە ئاگرینەکان لە کاتی تێپەڕبوونی پاسەکە بە شەقامەکەدا هەمووانی خستە جۆش و خرۆش.
لە پاڵەوانێتییەکەدا کە قەتەر میوانداریی کرد، ئەرجەنتین دوای یارییەکی پڕ لە تاموچێژ بۆ جاری سێیەم لە مێژووی خۆیدا جامەکەی بەرزکردەوە.
کۆمێنت (0)
تا ئێستا هیچ کۆمێنتێک نەکراوە.