شارەزایەكی كەشناسی: لەرۆژانی پێنجشەممە و هەینی بارانبارین دەستپێدەكاتەوە

ئاراس جەبار، شارەزای  بواری كەشناسی پێشبینی كردووە كە رەوشی كەشوهەوای ئەمڕۆ سێشەممە 20-12-2022 بەم شێوەیە دەبێت..
لەئەنجامی بەردەوامی كاریگەری بەرزە پاڵەپەستۆی باكوری ناوچەكە ئاسمانی هەرێم بەزۆری ساماڵ ئەبێت لەگەڵ بوونی پەڵە ھەوری بەرز ،  پلەكانی گەرما بەڕاورد بە دوێنێ 1 تا 2 پلە نزمبوونەوە بەخۆیەوە ئەبینێت  ، خێرایی با لەسەرخۆ ئەبێت 5 تا 15كم/س لە ئاراستەی باكوری رۆژھەڵاتەوە .
هەروەها دەڵێت: سبەی چوارشەممە 21-12 لەئەنجامی لاوازبوونی كاریگەری ئەو بەرزەپاڵەپەستۆیە لەسەرناوچەكانمان و كارتێكردنی نزمەپاڵەپەستۆیەكی لاوازی دەریای ناوەراست ئاسمانی ھەرێم بە زۆری دەگۆرێت بۆ نیمچە ھەور و لەرۆژانی پێنجشەممە و ھەینی بارانبارین دەستپێدەكاتەوە .

کەشى پێشبینیکراوى 48 کاتژمێرى داهاتوو

ئەمڕۆ 20- 12- 2022

کەش/ ئاسمان ساماڵ و پەڵە هەور دەبێت, لە دوایی نیوەرۆ ئاسمان نیمچە هەور دەبێت لە ناوچە شاخاویەکان هەوری تەواو دەبێت.

پلەکانی گەرما/ نزیک دەبێتەوە لە تۆمارکراوی رۆژی پێشووتر.

خێراى با / 5 – 10 کم/س.

ئاراستەی با / باشورى خۆرهەڵات

مەوداى بینین / 8 - 10 کم

پلەکانی گەرما / لەسەرنەخشەدا ئاماژەیان پێدراوە

سبەی 21- 12- 2022

کەش/ ئاسمان هەوری تەواو دەبێت.

پلەکانی گەرما/ نزیک دەبێتەوە لە تۆمارکراوی رۆژی پێشووتر.

خێراى با / 5 – 15 کم/س.

ئاراستەی با / باشورى خۆرهەڵات

مەوداى بینین / 8 - 10 کم

بەرزترین پلەکانی گەرمای پێشبینیکراو بە پلەی سیلیزی :

هەولێر : 19

سلێمانی :16

دهۆک : 19

کەرکوک : 21

هەڵەبجە : 17

زاخۆ : 18

سۆران : 14

گەرمیان : 23

بەشى پێشبینى / 20- 12- 2022