بزووتنه‌وه‌ی تاڵیبانی ئه‌فغانستان ئه‌مڕۆ سێشه‌م به فه‌رمی ده‌رگه‌ی چوونی زانكۆی به‌ڕووی ئافره‌تان له ته‌واوی وڵات بۆ كاتێكی نادیار داخست.
حه‌فیزه‌ڵا زیائه‌ڵا هاشمی وه‌زیری خوێندنی باڵای حكوومه‌تی تاڵیبان ڕایگه‌یاند: وه‌زاره‌تی خوێندنی باڵا گشتاندنێكی ئاراسته‌ی سه‌رجه‌م زانكۆ حكوومی و تایبه‌ته‌كان كردووه به‌وه‌ی كه تا كاتێكی نادیار ڕێگه به ئافره‌تان نه‌ده‌ن بێن بۆ زانكۆكان و ده‌وام بكه‌ن.
ئه‌م بڕیاره‌ی حكوومه‌تی تاڵیبان له كاتێكدایه كه پێشتریش چه‌ندان كۆت و ڕێگری له‌به‌رده‌م ئافره‌تان له زانكۆ و قوتابخانه‌كان دانرابوو، هه‌روه‌ها چوونی ئافره‌تان بۆ پاڕك و حه‌مامی گشتی و مه‌له‌وانگه و هۆڵه‌كانی وه‌رزشی و چه‌ندان شوێنی گشتی قه‌ده‌غه كرابوو.
کۆمێنت (0)
تا ئێستا هیچ کۆمێنتێک نەکراوە.