سەرلەبەیانی ئەمرۆ چوارشەممە ئومێد خۆشناو ،پارێزگاری هەولێر ، بە ئامادەبوونی قائیمقامی ناوەندو بەرێوەبەری گشتی تەندروستی هەولێرو بەرێوەبەری بەرنگاربوونەوەی قەیرانەكان لە پارێزگای هەولێرو نوێنەرانی رێكخراوە بیانییەكان؛ لە رێورەسمێكدا بەردی بناغەی پڕۆژەی سەنتەری پەرەسەندنی پەرستیاری و مامانی لە كۆمەڵگەی بەحركە دانا كە بۆ یەكەمین جارە لەعێراق پڕۆژەی لەوشێوەیە ئەنجام دەدرێ.
پارێزگاری هەولێر لە وتەیەكدا بەهای مرۆیی ئەو سەنتەرەی خستە روو، كە چەشنی ناوەندێكی تەندورستی و فێركاری رۆڵی پێشەنگایەتی دەبینێ لە بە هاناوەهاتن و پرۆسەی چارەسەریكردن، ئەویش لە بوارێكی هەستیاری وەك پەرستیاری و مامانیدا.
شایەنی ئاماژە بۆكردنە ئەم سەنتەرە جگە لەوەی دەبێتە ناوەندێكی ڤێركاری بەردەوامی دەرچوانی بەشە تەندورستییەكان هاوكات پاڵپشتی راستەوخۆیە بۆ جیگیركردن و چاودێریكردنی دۆخی تەندورستی هاوڵاتیان هاوكات ئامادەباشی بۆ بارودۆخی لەناكاو دەكات و بە رێگەی فریاگوزاری كۆنترۆلی دۆخە سەختەكانی هاوڵاتیان دەكات.
ئەم پڕۆژەیە وەك قۆناغی یەكەم دوو ملیۆن دۆلاری لەلایەن ڕێكخراوی ڕۆكار بەپشتیوانی دارایی LDS بۆ دابینكراوە .
لە كۆتایی مەراسیمەكەدا بەردی بناغەی سەنتەرەكە لە لایەن پارێزگاری هەولێرەوە دانرا.
کۆمێنت (0)
تا ئێستا هیچ کۆمێنتێک نەکراوە.