ژمارەیەک تیرۆریستی داعش کوژران

ئەمڕۆ چوارشەممە 21ـی 12ـی 2022 لە هێرشێکی ئاسمانی سوپای عێراق لە سنووری پارێزگای نەینەوا 5 تیرۆریستی داعش کوژران.

لیوا یەحیا ڕەسووڵ، گوتەبێژی فەرماندەی هێزە چەکدارەکانی عێراق ڕایگەیاند: بەپێی زانیارییەکانی دەزگای دژەتیرۆر، فڕۆکەکانی سوپای عێراق هێرشێکی ئاسمانیان بۆ سەر توخمی تیرۆریستانی داعش لە قەزای تەلەعفەر ئەنجام دا.

ڕاشیگەیاند: ئۆپەراسیۆنەکە کوژرانی 5 تیرۆریستی داعشی لێکەوتەوە، کە یەکێکیان سەرکردەی ئەو تیرۆریستانەی داعش بووە.

دەزگای دژەتیرۆری عێراق جەختی کردۆتەوە کە بەردەوام دەبن لە ئۆپەراسیۆنەکانیان دژی توخمەکانی تیرۆریستانی داعش.