دوای ئەوەی کاتژمێر 01:00ـی نیوەڕۆی ئەمڕۆ چوارشەممە 21ـی 12ـی 2022 ڕووداوێکی تەقەکردن لە تێرمیناڵی بەغدا لە شاری هەولێر ڕووی دا، پۆلیسی هەولێر لەمبارەیەوە ڕوونکردنەوەیەکی بڵاو کردۆتەوە.
بەڕێوەبەرایەتی پۆلیسی پارێزگای هەولێر لە ڕوونکردنەوەکەدا ڕایگەیاند: ئەمڕۆ ئاگادار کراینەوە بە بوونی ڕووداوێکی تەقەکردن لە (تێرمیناڵی بەغداد)، دوای گەیشتنی هێزەکانمان، دەرکەوت کە لەنێوان بەڵێندەر و ئەو کەسانەی کە کار لە شوێنی ناوبراو دەکەن بووەتە دەمەقاڵێیان و لە ئاکامدا تەقە لەنێوانیان درووست بووە.
ڕاشیگەیاند: 6 لە ئاژاوەگێڕەکان دەستگیر کرا کە یەکێکیان تەقەی کردووە و دەستبەسەر چەکی بەکارهاتووشدا گیرا.
پۆلیسی هەولێر ئاماژەی بەوەش دا کە پەڕاوی لێکۆڵینەوەیان بۆ ڕێکخرا و پەڕاوەکە ڕەوانەی بەردەم دادوەری ئێشکگر کرا بۆ ئەوەی ڕێککاری یاسایی دەرحەق بەو تەقەکەرانە بگیرێتەبەر.
کۆمێنت (0)
تا ئێستا هیچ کۆمێنتێک نەکراوە.