ماڵپەڕێكی ئەمریكی وادەی باران بارین لە شارەكانی هەرێمی كوردستان ئاشكرا دەكات

ماڵپەڕی "ئەكوا ویزەر"ی ئەمریكی كە تایبەتە بە رەوشی كەشوهەوای جیهانی،پێشبینی كردووە كە شەپۆڵێكی باران بارین لەناوەڕاستی هەفتەی داهاتوو شارەكانی( هەولێر،سلێمانی ،دهۆك، كەركوك ) بگرێتەوەو بۆ ماوەی چەند رۆژێك بەردەوامی هەبێت.

هاوكات بەشی پێشبینی بەڕێوەبەرایەتی گشتی كەشناسی و بوومەلەرزەزانی هەرێمی كوردستان كەشی پێشبینیكراوی 48 كاتژمێری داهاتووی بڵاوكردۆتەوە كە بەم شێوەیە ..
ئەمڕۆ پێنج شەممە      22- 12- 2022  
كەش/ ئاسمان هەوری تەواو دەبێت , باران بارین لەسەر بەشێك لە ئیدارەی گەرمیان و بەشێك لە سنووری پارێزگای سلێمانی و هەڵەبجە و كەركوك دەبێت . لە ئێوارەدا كاریگەری باران لەسەر ئەم ناوچانە كۆتایی دێت .
خێرای با / لەسەرخۆ- مامناوەند دەبێت ( 10 -  20 ) كم/ك .
ئاراستەی با / باكووری خۆرهەڵات دەبێت .
پلەكانی گەرما /  كەمێك نزم دەبێتەوە  بە بەراوورد بە  تۆماركراوەكانی دوێنێ . 
مەودای بینین / لە نێوان ( 8 –  10 ) كم  دەبێت .
پلەكانی گەرما / لەسەر نەخشەدا ئاماژەیان پێدراوە .
سبەی هەینی      23- 12- 2022  
كەش/ ئاسمان لە نێوان نیمچە هەور و هەوری تەواو دەبێت .
پلەكانی گەرما /  بەرز دەبێتەوە بە نزیكەی ( 1 تــا 3 ) پلە بە بەراوورد بە  تۆماركراوەكانی ڕۆژی پێشوو . 
خێرای با / لەسەرخۆ- مامناوەند دەبێت ( 10 -  20 ) كم/ك .
ئاراستەی با / باكووری خۆرهەڵات  دەبێت .
مەودای بینین / لە نێوان ( 8 –  10 ) كم  دەبێت .
بەرزترین پلەكانی گەرمای پێشبینیكراو بە پلەی سیلیزی :
هەولێر     :  18 پلەی سیلیزی
سلێمانی    : 17 پلەی سیلیزی
دهۆك     :  17 پلەی سیلیزی
كەركوك  : 21 پلەی سیلیزی
هەڵەبجە   : 16 پلەی سیلیزی
زاخۆ      :  18 پلەی سیلیزی
سۆران    :  14 پلەی سیلیزی
گەرمیان  :  23 پلەی سیلیزی
بەشی پێشبینی /   22 - 12 - 2022