سه‌رله‌ئێواره‌ی ئه‌مڕۆ پێنجشه‌م له ئه‌نجامی ڕووداوێكی هاتوچۆ له شه‌قامی دوو سایدی ده‌شتی هه‌ریر، گه‌نجێك گیانی له‌ده‌ست دا و دوو خوشكیشی بریندار بوون.
محه‌مه‌د ئامۆكه‌یی به‌رپرسی ڕاگه‌یاندنی به‌ڕێوه‌به‌رایه‌تی ته‌ندروستی شه‌قڵاوه تایبه‌ت بۆ (كوردستان تیڤی) ڕایگه‌یاند: سه‌رله‌ئێواره‌ی ئه‌مڕۆ هه‌ینی كاتژمێر 6 سێ بریندار گه‌یه‌نرانه نه‌خۆشخانه‌ی هه‌ریر.
ڕاشیگه‌یاند: هه‌رسێ كه‌سه‌كه كه پێكهاتبوون له گه‌نجێك و دوو خوشكی له ئه‌نجامی ڕووداوێكی هاتوچۆ له‌سه‌ر شه‌قامی دوو سایدی ده‌شتی هه‌ریر به‌رامبه‌ر گوندی سوورسووره بریندار ببوون.
محه‌مه‌د ئامۆكه‌یی هه‌روه‌ها ڕایگه‌یاند: دوای گه‌یشتنی برینداره‌كان، یه‌كێك له برینداره‌كان كه گه‌نجێك بوو به ناوی (مه‌حموود حه‌سه‌ن) و دانیشتووی شاره‌دێی وه‌رتێ به‌هۆی سه‌ختی برینه‌كه‌یه‌وه گیانی له‌ده‌ست دا.
به‌رپرسی ڕاگه‌یاندنی به‌ڕێوه‌به‌رایه‌تی ته‌ندروستی شه‌قڵاوه ئاماژه‌ی به‌وه‌ش دا: جگه له گیانله‌ده‌ستدانی گه‌نجه‌كه، دوو خوشكیشی كه سه‌رنشینی ئۆتۆمبێله‌كه بوون، به سه‌ختی بریندار بوون و ڕه‌وانه‌ی نه‌خۆشخانه‌كانی شاری هه‌ولێر كران.
ئه‌مه‌ی خواره‌وه وێنه‌ی ئه‌و گه‌نجه‌یه كه له ڕووداوه‌كه‌دا گیانی له‌ده‌ست دا
کۆمێنت (0)
تا ئێستا هیچ کۆمێنتێک نەکراوە.