به‌ڕێوه‌به‌رایه‌تی پۆلیسی پارێزگای هه‌ولێر ئه‌مڕۆ هه‌ینی ده‌ستگیركردنی ئه‌و كه‌سه‌ی ڕاگه‌یاند كه دزی له بایه‌ع و بریكاره‌كانی خۆراك ده‌كرد.
پۆلیسی هه‌ولێر ڕایگه‌یاند:بەشی پۆلیسی نەهێشتنی تاوان - نووسینگەی باکوور، تۆمەتبارێکیان بە ناوی (د. ع. ح) بە تۆمەتی چەندینجار دزیکردن لە بریکارەکانی خۆراک دەستگیر کرد.
ڕاشیگه‌یاند: تۆمەتباری ئاماژەپێکراو کە دانی ناوه بەوەی 13 جار و لە گەڕەکە جیاجیاکانی شاری هەولێر بڕێکی زۆر لە ماددەی خۆراکی و پارەی لە بریکارەکانی خۆراک دزیوە کە پێکهاتبوون لە چەندین فەردە برنج و شەکر و چەندین کارتۆن زەیت و ئاوەتەماتە و بڕێک پارە.
پۆلیسی هه‌ولێر ئاماژه‌ی به‌وه‌ش دا كه پەڕاوی لێکۆڵینەوەی بۆ تۆمه‌تباره‌كه ڕێکخراوه و بە بڕیاری دادوەری لێکۆڵینەوە ڕاگیراوه.
کۆمێنت (0)
تا ئێستا هیچ کۆمێنتێک نەکراوە.