شه‌قامێكی سه‌ره‌كی له‌ سلێمانی داده‌خرێت

هاتووچۆی سلێمانی له‌باره‌ی داخرانی شه‌قامێكی سه‌ره‌كییه‌وه‌ شۆفێران ئاگادارده‌كاته‌وه‌.

ئه‌مڕۆ دووشه‌ممه‌26ى12ى2022، له‌ ئاگادارییه‌كدا به‌رێوه‌به‌رایه‌تی هاتووچۆی سلێمانی بڵاویكرده‌وه‌:  له‌ڕێكه‌وتی (29/30 -12- 2022) سه‌رجه‌م ئه‌و شه‌قامه‌ لاوه‌كییانه‌ی دێنه‌ سه‌رشه‌قامی سالم داده‌خرێن، له‌كاتژمێر یه‌كی پاشنیوه‌ڕۆی رۆژی (30/12/2022)یش شه‌قامی سالم له‌پردی خه‌سره‌و خاڵ بۆ به‌رده‌م باخی گشتی به‌ربه‌ست ده‌كرێت به‌ڕووی شۆفێراندا تا رۆژی دواتر‌و كۆتایی هاتنی بۆنه‌ی سه‌ری ساڵ.
راشگه‌یاندراوه‌، ئه‌م بڕیاره‌ له‌لایه‌ن لیژنه‌ی ئه‌منی شاری سلێمانیه‌وه‌ جێبه‌جێده‌كرێت‌و سه‌رجه‌م هێزه‌ ئه‌منییه‌كان له‌ئه‌رك‌و فه‌رماندا ده‌بن له‌پێناو پاراستنی گیانی هاوڵاتییان له‌و شه‌وه‌دا.