وڵاتی میسر داوا لە هاووڵاتیانی دەكات قاچی مریشك بخۆن

لەم دواییانەدا دەسەڵاتێكی تەندروستی میسری مشتومڕی وروژاند بەهۆی پۆستێكەوە كە لەڕێگەی هەژماری فەرمی خۆی لە فەیسبووك بڵاویكردەوە.
ڕۆژی شەممە، پەیمانگای نیشتمانی خۆراك لە میسر بڵاوكراوەیەكی بڵاوكردەوە كە باس لە بەدیلەكانی خۆراكی دەوڵەمەند بە پرۆتین دەكات و لە هەمان كاتیشدا دۆستی بودجەن.
لە بڵاوكراوەكەدا خواردنی جۆراوجۆری تێدابوو، وەك  كۆشاری كە خواردنێكی بەناوبانگی میللییە و لەگەڵ شۆربای نیسك، بەڵام قاچی مریشك بە تایبەتی سەرنجی تۆڕە كۆمەڵایەتییەكانی بۆ لای خۆی ڕاكێشا.
لە بڵاوكراوەكەدا ئاماژە بەوە كراوە كە ئەم خواردنانە دەوڵەمەندن بە پرۆتین و "هەرزانە"، جگە لەوەی بڕێكی مامناوەندی كالۆری تێدایە، پێش ئەوەی لیستێكی وردی ئەو سوودانە بخاتەڕوو كە بە جەستە دەبەخشێت.
بڵاوكراوەكە لە پلاتفۆرمە جیاوازەكانی ئۆنلاین و سۆشیال میدیادا بڵاوكرایەوە، هەروەها شەپۆلێكی گاڵتەجاڕی لێكەوتەوە لە ژێر ڕۆشنایی ئەو بارودۆخە ئابوورییەی ئێستا وڵاتەكە ڕووبەڕووی بووەتەوە.
یەكێك لە تویتەرەكان وای زانی كە ڕوونكردنەوەی سوودەكانی قاچی مریشك لە ئەنجامی هەژاری لە وڵاتدا هاتووە.
بەهای پاوەندی میسری لە مانگی تشرینی یەكەمی ڕابردوودا بە ڕێژەی 14.5% بەرامبەر دۆلار دابەزی، ئەوەش بەهۆی بەرزبوونەوەی نرخی سەوزە و بەرهەمە شیرەمەنیەكان و نانەكان.
هەندێك خێزان ژەمەكانیان سنووردار كردووە بەهۆی كەمبوونەوەی توانای كڕینیان، لەكاتێكدا هەندێكی تر كێشەیان هەیە بۆ دۆزینەوەی بەرهەمی هاوردەكراو كاتێك لە فرۆشگا ناوخۆییەكان بەردەست دەبن.