به‌ڕێوه‌به‌رایه‌تی پۆلیسی ڕاپه‌ڕین ڕایگه‌یاند كه ئه‌مڕۆ چوارشه‌م گه‌نجێكی ته‌مه‌ن 22 ساڵ كه باری ده‌روونی ته‌واو نه‌بووه، كه‌وتۆته ناو ڕووبارێك و خنكاوه.
پۆلیسی ڕاپه‌ڕین ڕایگه‌یاند: ئه‌مڕۆ چوارشه‌م و کەمێک پێش ئێستا تەرمی هاووڵاتییەک بەناوی (ٲ. م. ٲ) ڕەگەزی نێر، لەدایکبووی ساڵی 2000، دانیشتووی قەڵادزێ گەڕەکی فەرمانبەران گەیەندرایە نەخۆشخانە کە لە ڕووبارێکی نزیک گوندی چۆمخڕکە خنکابوو.
ڕاشیگه‌یاند: بە وتەی کەسوکارەکەی کوڕەکەیان باری دروونی ناجێگیر بووە و بەو هۆیەوە کەوتۆتە ناو ڕووبارێکی نزیک گوندی چۆمخڕکە خنکاوە، هەر خۆشیان تەرمەکەیان دەرهێناوە و بردوویانە بۆ نەخۆشخانە.
ئاماژه‌ی به‌وه‌ش دا كه هێزەکانی پۆلیسی ڕاپه‌ڕین و تیمی بەڵگەکانی تاوانی پشدەر بۆ کەشفی شوێنی ڕووداو گەیشتونەتە ڕووبارەکە و پەڕاوی لێکۆڵینەوەیان بۆ ڕووداوه‌كه ڕێكخستووه.
کۆمێنت (0)
تا ئێستا هیچ کۆمێنتێک نەکراوە.