به‌رزبوونه‌وه‌ی نرخی نه‌وت له‌ بازاڕه‌كانی جیهان به‌رده‌وامه‌

ئه‌مڕۆ هه‌ینی نرخی نه‌وت له‌ بازاڕه‌كانی جیهان به‌رزبوونه‌وه‌ی زیاتری به‌خۆیه‌وه‌ بینی، به‌مه‌ش دووه‌مساڵه‌ له‌سه‌ریه‌ك نرخی نه‌وت هه‌ر له‌‌ به‌رزی بمێنێته‌وه‌ هه‌رچه‌نده‌ به‌رزبوونه‌وه‌ی‌ نرخه‌كه‌ تاڕاده‌یه‌ك كه‌م به‌هۆی به‌رده‌وامی شه‌ڕی ئۆكراینا و كه‌می داخوازی وڵاتی چین كه‌ گه‌وره‌ترین به‌كارهێنه‌ری نه‌وته‌.

به‌ره‌به‌یانی ئه‌مڕۆ هه‌ینی هه‌ر به‌رمیلێك نه‌وتی برێنت له‌ بازاڕه‌كان 44 سه‌نتی هاته‌ سه‌ر و به‌ ڕێژه‌ی 0.5% به‌رزبوونه‌وه‌ی به‌خۆیه‌وه‌ بینی و بووه‌ 83.9 دۆلاری ئه‌مه‌ریكی.

ئه‌مه‌ له‌ كاتێكدایه‌ كه‌ دوێنێ پێنجشه‌م هه‌ر به‌رمیلێكی ئه‌م جۆره‌ نه‌وته‌ به‌ ڕێژه‌ی 1.2% نرخه‌كه‌ی له‌ده‌ستدابوو.

به‌هه‌مانشێوه‌ نرخی نه‌وتی خاوی تێكساسی ئه‌مه‌ریكیش به‌رزبووه‌ و هه‌ر به‌رمیلێك 48 سه‌نتی هاته‌ سه‌ر یاخود به‌ ڕێژه‌ی 0.7% به‌رزبووه‌وه‌، ئێستا به‌ 78.88 دۆلاره‌ .

چاوه‌ڕوان ده‌كرێ نرخی نه‌وت له‌ بازاڕه‌كانی جیهان له‌ كۆتاییه‌كانی ساڵی 2022 به‌ ڕێژه‌ی 5.76% به‌رزبوونه‌وه‌ به‌خۆیه‌وه‌ تۆمار بكات، ئه‌مه له‌ كاتێكدایه‌ كه‌ له‌ كۆتاییه‌كانی ساڵی 2021 هه‌ر به‌رمیلێك نه‌وتی خاو به‌ ڕێژه‌ی 50.2% به‌رزبوونه‌وه‌ی تۆمار كردبوو.