نرخی گاز ئەمڕۆ هەینی 30ـی 12ـی 2022 لە ئەوروپا بەشێوەیەکی بەرچاو بە ڕێژەی 11% دابەزی بۆ خوار 850 دۆلار بۆ هەر هەزار مەتر سێجایەک.
لەدوای 21ـی شوباتی ئەمساڵەوە بۆ یەکەمجارە نرخی گاز لە بازاڕەکانی ئەوروپا بۆ خوار ئاستی 850 دۆلار دابەزی.
تاوەکو کاتژمێر 02:49ـی دوانیوەڕۆی ئەمڕۆ هەینی بە کاتی مۆسکۆ، نرخی گاز بە پێوەری TTF کە گەورەترین پێوەرە لە ئەوروپا و دەکەوێتە هۆڵەندا، بە ڕێژەی 11% دابەزی و گەیشتە 839 دۆلار و 3 سەنت بۆ هەر هەزار مەتر سێجایەک.
ئەمەش لەکاتێکدایە کە بەهۆی شەڕی ڕووسیا و ئۆکرایناوە نرخی گاز بەشێوەیەکی بەرچاو بەرزببووەوە، ئەمە بۆ یەکەمجارە نرخی گاز لە ئەوروپا بەمشێوەیە دابەزین بەخۆیەوە دەبینێ.
کۆمێنت (0)
تا ئێستا هیچ کۆمێنتێک نەکراوە.