پایسكلسوارانى كۆیه‌ و دهۆک پێشه‌نگى پاڵه‌وانێتى كوردستان بوون

لیژنه‌ى ئۆڵۆمپى هه‌رێمى كوردستان ڕایگەیاند، پایسكلسوارانى كۆیه‌ و دهۆک پێشه‌نگى پاڵه‌وانێتى كوردستان بوون.

لە ڕاگەیەنراوێک لیژنه‌ى ئۆڵۆمپى هه‌رێمى كوردستان ڕایگەیاند: ئه‌مڕۆ هه‌ینى 30-12-2022 به‌ چاودێرى لیژنه‌ى ئۆڵۆمپى هه‌رێمى كوردستان، یه‌كێتى ناوه‌ندى پایسكلسوارى كوردستان پاڵه‌وانێتى كراوه‌ى كوردستانى له‌سه‌ر ئاستى تاک به ‌كۆمه‌ڵ بۆ تازه‌پێگه‌یشتووان و پێشكه‌وتووانى كوڕان له‌سه‌ر ڕێگه‌ى شێخ توراب له ‌شارى هه‌ولێر رێكخست.

ڕاشیگەیاند: پێشبڕكێكانى پاڵه‌وانێتییه‌كه‌ به‌ به‌شدارى تیپى پایسكلسوارانى كوڕانى یانه‌كانى (دهۆك و كۆیه‌ و بابه‌گوڕگوڕ و ئاڵتون كۆپرى و سۆلاڤـ) و به‌ئاماده‌بوونى موئه‌یه‌د مه‌غدید جێگرى سه‌رۆک و تاهیر عه‌زیز ئه‌ندامى كۆمیته‌ى ته‌نفیزى لیژنه‌ى ئۆڵۆمپى هه‌رێمى كوردستان و  وشیار ره‌فیق سه‌رۆک و كه‌نعان ئیسماعیل جێگرى سه‌رۆكى یه‌كێتى ناوه‌ندى پایسكلسوارى كوردستان و سكرتێر و ئه‌ندامانى یه‌كێتییه‌كه‌ و ژماره‌یه‌ك له‌ ناوبژیوانان به‌ڕێوه‌چوو.

لیژنه‌ى ئۆڵۆمپى هه‌رێمى كوردستان ئەنجامەکانی بەمشێوەیە خستووەتەڕوو:-

*ئه‌نجامى تاك/ خاوه‌ن پله‌كانى یه‌كه‌م تا چواره‌مى پێشبڕكێى تاك به‌كۆمه‌ڵ/ پێشكه‌وتووانى كوڕان (60 كیلۆمه‌تر) به‌به‌شدارى 14 یاریزان:

1-سه‌ربه‌ست عه‌بدوڵڵا/ كۆیه‌ (1:33:24)

2-وه‌هبى سلێمان/ دهۆك (1:33:24)

3-نه‌وزاد مسته‌فا/ كۆیه‌ (1:33:24)

4-محه‌مه‌د محه‌مه‌دعه‌لى/ كۆیه‌ (1:37:11)

*ئه‌نجامى تیپ/ خاوه‌ن پله‌كانى یه‌كه‌م تا چواره‌مى پێشبڕكێى تاك به‌كۆمه‌ڵ/ پێشكه‌وتووانى كوڕان (60 كیلۆمه‌تر):

1-تیپى یانه‌ى كۆیه‌ (4:43:59)

2-تیپى یانه‌ى دهۆك (5:02:23)

3-تیپى یانه‌ى بابه‌گوڕگوڕ (5:09:44)

4-تیپى یانه‌ى ئاڵتون كۆپرى (5:52:23)

*ئه‌نجامى تاك/ خاوه‌ن پله‌كانى یه‌كه‌م تا چواره‌مى پێشبڕكێى تاك به‌كۆمه‌ڵ/ تازه‌پێگه‌یشتووانى كوڕان (20 كیلۆمه‌تر) به‌به‌شدارى 8 یاریزان:

1-هه‌ستیار فه‌تحوڵڵا/ كۆیه‌ (21:47)

2-محه‌مه‌د سادق/ دهۆك (21:57)

3-یوسف عیرفان/ دهۆك (23:41)

4-حسێن ئازاد/ دهۆك (24:44)

*ئه‌نجامى تیپ/ خاوه‌ن پله‌كانى یه‌كه‌م تا سێیه‌مى پێشبڕكێى تاك به‌كۆمه‌ڵ/ تازه‌پێگه‌یشتووانى كوڕان (20 كیلۆمه‌تر):

1- تیپى یانه‌ى دهۆك (1:10:22)

2-تیپى یانه‌ى سۆلاڤـ  (1:29:40)

3-تیپى یانه‌ى كۆیه‌  (1:30:16)

لیژنه‌ى ئۆڵۆمپى هه‌رێمى كوردستان ئاماژەی بەوەش داوە کە دواجاریش به‌ كۆتاییهاتنى پێشبڕكێكانى پاڵه‌وانێتییه‌كه‌ موئه‌یه‌د مه‌غدید جێگرى سه‌رۆک و تاهیر عه‌زیز ئه‌ندامى كۆمیته‌ى ته‌نفیزى لیژنه‌ى ئۆڵۆمپى هه‌رێمى كوردستان و  وشیار ره‌فیق سه‌رۆک و كه‌نعان ئیسماعیل جێگرى سه‌رۆكى یه‌كێتى ناوه‌ندى پایسكلسوارى كوردستان و سكرتێر و ئه‌ندامانى یه‌كێتییه‌كه‌ خه‌ڵاته‌كانیان به‌سه‌ر یاریزان و تیپه‌ براوه‌كان و راهێنه‌رانیان دابه‌شكرد. هەروەها خەڵاتی تایبەتی لیژنەی ئۆڵۆمپی و یەكێتی پایسكلسواری پێشكەشی یاریزان وەهبی سلێمان كرا كە بەم دواییە لە پاڵەوانێتی وڵاتانی عەرەب میدالیای زێڕی بەدەستهێنا بوو.