وەزارەتی پێشمەرگەی هەرێمی کوردستان ڕایگەیاند، لە چەند ناوچەیەکی هەرێمی کوردستان ئەمڕۆ هەینی 30ـی 12ـی 2022 ئۆپەراسیۆنێکی کێوماڵکردنیان ئەنجام داوە کە گومان دەکرا پاشماوەکانی داعشی لێبێت.
ڕاگەیاندنی وەزارەتی پێشمەرگە ڕایگەیاند: لیوای 5ـی پیادە، ئۆپەراسیۆنێکی کێوماڵکردنیان لە گوندەکانی قەرەبڵاغ، چەمی کوڵەجۆ، سەرچەم، ئوم حونتە و باخی حاجی غالب ئەنجام دا.
ڕاشیگەیاند: ئۆپەراسیۆنەکە بە مەبەستی گەڕان و پشکنین و کێوماڵ کردنی ئەو ناوچانانەیە کە گومان دەکرا پاشماوەکانی تیرۆریستانی داعشی لێبێت.
وەزارەتی پێشمەرگە جەختی کردەوە کە ئەمەش بۆ سەقامگیرترکردنی ئەمن و ئاسایشی ناوچەکە و نەهێشتنی ترس و دڵەڕاوکێی دانیشتووانی ناوچەکەیە.
کۆمێنت (0)
تا ئێستا هیچ کۆمێنتێک نەکراوە.