ئەمشەو شەممە 31ـی 12ـی 2022 ئاگر لە بەشێکی فڕۆکەخانەی نێودەوڵەتیی نەجەف کەوتەوە، هیچ زیانێکی ئەوتۆ لە ئەنجامی ئاگرکەوتنەوەکە نەبووە.
سەرچاوەیەکی ئەمنی بە (سۆمەریە نیوز)ـی ڕاگەیاند: ئاگر لەناو کافتریایەکی فڕۆکەخانەی نێودەوڵەتیی نەجەف کەوتەوە.
سەبارەت بە زەرەر و زیانەکان ئەو سەرچاوەیە باسی لەوە کرد کە هیچ زیانێکی گیانی لە ئەنجامی ئاگرکەوتنەوەکە نەبووە.
ئەو سەرچاوەیە ئاماژەی بەوەش دا کە تیمەکانی بەرگری شارستانی گەیشتوونەتە شوێنی ڕووداوەکە و توانیان ئاگرەکە کۆنتڕۆڵ بکەن.
کۆمێنت (0)
تا ئێستا هیچ کۆمێنتێک نەکراوە.