جگە لەو کتێبانەی ڕۆژانە دەیخوێنمەوە. یەکێک لە شاکارە هەرە مەزنەکانی مێژووی مرۆڤایەتیش، بەردەوام لەسەر مێزی خوێندنەوەکەمەو جارناجارێک، پاش هیلاکی دەچمە سەری و چەند لاپەڕەیەکی لێدەخوێنمەوە. ئەم بەیانییە، چەند سروودێکی دۆزەخی (کۆمیدیای دانتی) ئیتاڵیم خوێندەوە، کە سێ بەرگی نزیکەی 1500 لاپەرەییە، دانتی ئەلیگیێری ئیتاڵی ساڵی 1577 نووسیویەتی و بە مەزنترین و بەناوبانگترین شاکاری ئەدەبی دادەنرێت، د. عەزیز گەردیی، کردوویەتی بە کوردیی.
لە سروودی چوارەمی دۆزەخدا، باسی چەند فەیلەسوف و نووسەرێکی جیهانیی دەکات، لەوانە سوقرات، ئەفلاتون، گالینۆس، ئیبن ڕوشد و سەڵاحەدینی ئەیوبی کوردیی:
لەولاتر (سەلادینۆ/سەڵاحەدین) دی بە تەنیا بوو
نەختێ زیاتر چاوم هەڵبڕی
مامۆستای زانایانم بینی
لەناو کۆمی فەیلەسوفان دانیشتبوو
هەموو بەڕێزەوە چاویان تێبڕی بوو
یەکەمجار سوقرات و پلاتۆنم دی
لە پێش ئەوانی تر بوون.....
*وێنەکە بەرگی چاپی یەکەمی کۆمیدیای خواوەندی دانتی
*سەرچاوە: کۆمیدیای دانتی. بەرگی یەکەم لا 69
کامەران سوبحان
کۆمێنت (0)
تا ئێستا هیچ کۆمێنتێک نەکراوە.