دەرمانێكی كۆكە 18 منداڵان دەكوژێت.. ماددەیەكی ژەهراوی تێدا دۆزراوەتەوە 

كۆمپانیایەكی دەرمانسازی هیندی دوای كوشتنی 18 منداڵ لە ئۆزبەكستان، بەرهەمهێنانی دەرمانی كۆكە-ی وەستاند.
وەزیری تەندروستی هیندستان رۆژی هەینی ڕایگەیاند، ئەو كۆمپانیایە هیندییەی كە شڕووبی كۆكە دروست دەكات كە پەیوەندی بە لانیكەم 18 مردنەوە هەیە لە ئۆزبەكستان، بەرهەمهێنانی ڕاگرتووە، ئەمەش دوای لێكۆڵینەوەیەكی ڕێكخەرانی دەرمان.
وەزارەتی تەندروستی ئۆزبەكستان ئاماژەی بەوەدا كە شەربەتی كۆكە "Doc-1" كە لەلایەن كۆمپانیای دەرمانسازی هیندی "Marion Biotech" دروستكراوە، گیراوەیەكی ژەهراوی تێدایە بەناوی "ethylene glycol".
وەزارەتی ئۆزبەكستان ڕایگەیاند كە 7 فەرمانبەر بەهۆی كەمتەرخەمییەوە لە كارەكانیان دوورخراونەتەوە، هەروەها سەرجەم بەڵگەنامە پەیوەندیدارەكان ڕادەستی دەسەڵاتدارانی جێبەجێكردنی یاسا بۆ لێكۆڵینەوە كراون.
هەروەها وەزارەتەكە باسی بەكارهێنانی شەربەتی كۆكە بە هەڵە لەلایەن دایك و باوكانەوە كردووە.
لە تویتێكدا ، وەزیری تەندروستی هیندستان، مەنسوخ مەنداڤیا، پشتڕاستیكردەوە كە سەرجەم چالاكییەكانی بەرهەمهێنانی كۆمپانیای ماریون بایۆتێك لە بارەگا سەرەكییەكەی لە ویلایەتی ئۆتار پرادێش لە باكووری ویلایەتی ئۆتار پرادێش دەوەستێنرێت.