پارێزگای به‌سڕای باشووری عێراق به فه‌رمی دوو رۆژی داهاتووی كرده پشوو له چوارچێوه‌ی ئاماده‌كارییه‌كان بۆ خۆئاماده‌كردنی یارییه‌كانی كه‌نداوی 25 كه بڕیاره له‌و شاره‌دا ئه‌نجام بدرێت.
دیوانی پارێزگای به‌سڕا له راگه‌یه‌نراوێكدا بڵاوی كرده‌وه: ئه‌سعه‌د عیدانی پارێزگاری به‌سڕا بڕیاری دا سبه‌ی دووشه‌م و دووسبه‌ی سێشه‌م له ته‌واوی داموده‌زگاكانی پارێزگاكه‌ی پشووی فه‌رمی بێت بۆ ته‌واوكردنی كاره‌كانی ئاماده‌كاری جامی كه‌نداوی 25.
بڕیاره رۆژی هه‌ینی داهاتوو ڕێكه‌وتی 6ی 1ی 2023 یارییه‌كانی جامی كه‌نداوی 25 له شاری به‌سڕا ده‌ست پێ بكات به به‌شداری 8 هه‌ڵبژارده‌ی عه‌ره‌بی (سعوودییه، عومان، یه‌مه‌ن، قه‌ته‌ڕ، ئیماڕات، كوێت و به‌حرێن) له‌گه‌ڵ هه‌ڵبژارده‌ی عێراقی مێواندار، یارییه‌كانیش تا رۆژی 19ی ئه‌م مانگه به‌ردوامیان ده‌بێت.
کۆمێنت (0)
تا ئێستا هیچ کۆمێنتێک نەکراوە.