بۆ بەرەوپێشبردنی گەشتیاری دوبەی ساڵی نوێ بە هەڵوەشاندنەوەی باج لەسەر خواردنەوە کحولییەکان دەستپێدەکات.
ڕۆژنامەی (فاینانشیاڵ تایمز)ـی بەریتانی ڕایگەیاندووە، دوبەی ساڵی نوێی بە ڕاگرتنی باجی 30% لەسەر فرۆشتنی خواردنەوە کحولییەکان دەستپێکردووە، بەو پێیەی هەوڵ دەدات پێگەی خۆی وەک شوێنێکی سەرنجڕاکێش بۆ گەشتیاری و کەرتی بازرگانی لە کەنداودا بچەسپێنێت.
بڕیاری ڕاگرتنی 30% باج لە دوێنێ یەکشەممەوە کەوتە بواری جێبەجێکردنەوە، بڕیارە تاوەکو ساڵێک وەک تاقیکردنەوە ئەم بڕیارە کاری پێبکرێت.
ڕۆژنامەی فاینانشیاڵ تایمز ئاماژەی بەوەش داوە کە دوبەی لە ساڵانی ڕابردوودا هەوڵی کرانەوە و هەموارکردنەوەی ڕێساکانی داوە بۆ ئەوەی سەرنجڕاکێشتر بێت بۆ گەشتیاران.
کۆمێنت (0)
تا ئێستا هیچ کۆمێنتێک نەکراوە.