ئەندامێکی ئەنجوومەنی نوێنەرانی عێراق لە فراکسیۆنی پارتی دیموکراتی کوردستان ڕایگەیاند، سەرۆک وەزیرانی عێراق ڕەزامەندی لەسەر دامەزراندنی مامۆستایانی وانەبێژ و بەهەمیشەییکردنی گرێبەستی فەرمانبەران دەربڕیوە.
نەجوە حەمید کاکەیی ئەندامی ئەنجوومەنی نوێنەرانی عێراق ڕایگەیاند: مامۆستایانی وانەبێژ و فەرمانبەرانی گرێبەست دەکرێنە هەمیشەیی.
هەر لەمبارەیەوە ڕاشیگەیاند: محەمەد شیاع سوودانی ڕەزامەندی دەربڕیوە کە سەرجەم فەرمانبەران بکرێنە فەرمانبەری هەمیشەیی.
ئەمەش لەکاتێکدایە کە ئەمڕۆ سێشەممە بە سەرپەرشتی محەمەد شیاع سوودانی ئەنجوومەنی وەزیرانی عێراق کۆبووەوە و له كۆبوونه‌وه‌كه‌دا بڕیاردرا بە دانانی پلەی وەزیفی فەرمانبەران و جێگەکردنەوەی لە ڕەشنووسی پڕۆژەیاسای بودجەی 2023 بۆ بەهەمیشەییکردنی فەرمانبەرانی گرێبەست.
کۆمێنت (0)
تا ئێستا هیچ کۆمێنتێک نەکراوە.