سه‌رۆك وه‌زیرانی عێراق بڕیاری دا سبه‌ی پێنجشه‌م له سه‌رجه‌م فه‌رمانگه و داموده‌زگا و ناوه‌نده‌كانی خوێندن بكرێته پشووی فه‌رمی به‌هۆی خراپی كه‌شوهه‌واوه.
ئه‌میندارییه‌تی گشتیی ئه‌نجوومه‌نی وه‌زیران له به‌یاننامه‌یه‌كدا بڵاوی كرده‌وه: محه‌مه‌د شیاع سوودانی سه‌رۆك وه‌زیرانی عێراق بڕیاریداوه سبه‌ی پێنجشه‌م له سه‌رجه‌م فه‌رمانگه و داموده‌زگا و ناوه‌نده‌كانی خوێندن له پارێزگاكانی عێراق بكرێته پشووی فه‌رمی.
ئاماژه‌ی به‌وه‌شداوه كه ڕاگه‌یاندنی پشووه‌كه به‌هۆی خراپی كه‌شوهه‌وا و پێشبینی هاتنی شه‌پۆڵێكی سه‌رما و بارانبارینه‌وه‌یه.
ئه‌مڕۆ چوارشه‌م شه‌پۆڵێكی با و بارانی به‌تین ڕووی له عێراق كرد و بووه هۆی دروستبوونی لافاو له هه‌ندێ پارێزگا، له‌به‌ر ئه‌مه ده‌وامی نیوه‌ڕۆی هه‌ندێ له قوتابخانه‌كانی ناوه‌ڕاست و باشووری عێراق ڕاگیران.
کۆمێنت (0)
تا ئێستا هیچ کۆمێنتێک نەکراوە.