ڕێژه‌ی بارانبارینی ئه‌مڕۆی شاره‌كان بڵاو كرایه‌وه‌

به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان ڕێژه‌ی بارینی بارانی ئه‌مڕۆی شاره‌كانی بڵاو كرده‌وه‌.

به‌گوێره‌ی ئه‌و داتایه‌ی به‌ڕێوه‌به‌رایه‌تی كه‌شناسی بڵاوی كردۆته‌وه‌، ئه‌مڕۆ چوارشه‌م زۆرترین باران له‌ كه‌لار باریوه‌ كه‌ 13.4 ملم بووه‌.

هه‌روه‌ها ئاشكراكراوه‌ كه‌ له‌ دهۆك و زاخۆ و ئاكرێ و حاجی ئۆمه‌ران و سۆران هیچ ڕێژه‌یه‌كی بارانبارین نه‌باریوه‌.

له‌ هه‌ولێری پایته‌خت 0.5 ملم و له‌ سلێمانیش 9.4 ملم و هه‌ڵه‌بجه‌ 9.6 ملم و كه‌ركووك 6.3 ملم باران باریوه‌.

وێنه‌: داتای بارینی بارانی ئه‌مڕۆی شاره‌كانی هه‌رێمی كوردستان:-