به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان بارودۆخی كه‌شوهه‌وای ئه‌مشه‌وی شاره‌كانی بڵاو كرده‌وه و ڕایگه‌یاند كه كه‌شوهه‌وا هه‌وراوی ده‌بێت و له ناوچه شاخاوییه‌كانیش به‌فر و باران ده‌بارێت، هه‌روه‌ها ته‌مومژیش دروست ده‌بێت.
كه‌شناسی ڕایگه‌یاند: ئەمشەو ئاسمانى هەرێم هەورى تەواو دەبێت لەگەڵ بارینى تێکەڵەى بەفر و باران لە ناوچە شاخاوییە سنووریەکان.
ڕاشیگه‌یاند: نمەباران لە ناوچەکانى رۆژهەڵات و باکورى ڕۆژهەڵات ده‌بارێت و هەروەها ئەگەرى بارینى نمەبارانى کەمیش هەیە لە سەنتەرى شارەکان.
ئاماژه‌ی به‌وه‌ش دا كه به‌شێوه‌یه‌كی گشتی ئه‌مشه‌و پلەکانى گەرما ڕوو لە دابەزین دەکات و تەم دروست دەبێت بە تایبەت لە ناوچە شاخاوییەکان.
كه‌شناسی جه‌ختیشی كرده‌وه كه ئێستا مەودای بینینى ئاسۆیی لە پیرمام 900 مەترە و لە چەمچەمالیش 400 مەترە بە هۆی تەم و مژەوە.
به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی ڕێژه‌ی بارانبارینی 12 کاتژمێرى ڕابردووى هەندێک لە ناوچەکانى به‌مشێوه‌ی خواره‌وه بڵاو كرده‌وه:
پیرمام 1.4 ملم
سلێمانى 4.5 ملم
ئامێدى 0.6 ملم
بازیان 0.2 ملم
کەرکووک 0.2 ملم
کۆمێنت (0)
تا ئێستا هیچ کۆمێنتێک نەکراوە.