به‌ڕێوه‌به‌رایه‌تی پۆلیسی پارێزگای هه‌ولێر ئه‌مڕۆ هه‌ینی ده‌ستگیركردنی تۆمه‌تبارێكی ڕاگه‌یاند كه هه‌ڵسابوو به ئه‌نجامدانی چه‌ندان تاوانی دزی و له هه‌وڵیش دابوو ئۆتۆمبێلێك بدزێت.
پۆلیسی هه‌ولێر ڕایگه‌یاند: بەشی پۆلیسی نەهێشتنی تاوان نووسینگەی ڕۆژهەڵات تۆمەتبارێکیان بە ناوی (ی. ز. س) دەستگیر کرد.
ڕاشیگه‌یاند: تۆمه‌تباره‌كه لە چەند شوێنێک هەڵسابوو بە دزینی بڕێک زێڕ و چەند ئامێرێکی کارەبایی و بڕی (250٫000) دینار و کەلوپەلی ئۆتۆمبێل و ژمارەیەک ئەنگوستیلە و سەعاتی دەستی.
ئاماژه‌ی به‌وه‌ش دا كه تۆمه‌تباره‌كه له هەوڵی ئه‌وه دابوو ئۆتۆمبێلێکی جۆری (نیسان/ سێنترا) بدزێت.
جه‌ختیشی كرده‌وه كه تۆمەتباری ئاماژەپێکراو کە پێشینەی تاوانی تریشی هه‌بووه، پەڕاوی لێکۆڵینەوەی بۆ ڕێکخرا و ڕادەستی دادگا کرا.
کۆمێنت (0)
تا ئێستا هیچ کۆمێنتێک نەکراوە.