ئه‌مڕۆ هه‌ینی شوانێك له گوندێكی سنووری ئیداره‌ی سه‌ربه‌خۆی زاخۆ به‌هۆی ده‌ستكاریكردنی گوله‌یه‌كی دۆشكه، به‌سه‌ختی بریندار بوو.
به‌ڕێوه‌به‌رایه‌تی پۆلیسی زاخۆ ڕایگه‌یاند: سه‌رله‌به‌یانی ئه‌مڕۆ هه‌ینی شوانێك له گوندی خالشێ گوله‌یه‌كی دۆشكه ده‌دۆزێته‌وه، دوای ده‌ستكاریكردنی گوله‌كه ده‌ته‌قێته‌وه و شوانه‌كه بریندار ده‌بێت.
ڕاشیگه‌یاند: برینی شوانه‌كه سه‌خته و ئێستا له نه‌خۆشخانه‌یه‌كی زاخۆ له ژووری چاودێری چڕ دایه.
به‌ڕێوه‌به‌رایه‌تی پۆلیسی زاخۆ داواشی له سه‌رجه‌م هاووڵاتییان كرد له كاتی دیتن و دۆزینه‌وه‌ی هه‌ر جۆره ته‌قه‌مه‌نییه‌ك، ده‌ستكاری نه‌كه‌ن و هێزه‌كانی پۆلیسی لێ ئاگادار بكه‌نه‌وه.
کۆمێنت (0)
تا ئێستا هیچ کۆمێنتێک نەکراوە.