یانەی پاریس سانجێرمان كۆچی دوایی مبامی ڕاگەیاند

یانەی پاریس سانجێرمانی فەرەنسی كۆچی دوایی یاریزانی پێشووی كامیرۆنی مۆدێست مبامێی لە تەمەنی 40 ساڵیدا ڕاگەیاند.
پاریس سانجێرمان لە بەیاننامەیەكدا ڕایگەیاند: مۆدیست مبامی لە تەمەنی 40 ساڵیدا دوای ئەوەی تووشی جەڵتەی دڵ بوو، كۆچی دوایی كرد، پاریس سان جێرمانیش سەرەخۆشی لە خانەوادەكەی و هاندەرانی دەكات.
مۆدێست مبامی بەرگری لە چەندین یانەی فەرەنسی كرد، لەوانە پاریس سانجێرمان و ئۆڵۆمپیك دی مارسیلیا و لە ساڵانی 2004 و 2006 لەگەڵ هەڵبژاردەی پاریس نازناوی جامی فەرەنسای بەدەستهێنا.
یاریزانە كامیرۆنییەكە ئەزموونی لە چەندین خولدا هەبووە، وەك یانەكانی ئیسپانی و چینی و سعودی، پێش ئەوەی لە ساڵی 2016 واز لە یاریكردن بهێنێت دوای ماوەیەكی كورت لەگەڵ یانەی لۆهاڤری فەرەنسی.
مۆدێست مبامێ لە 37 یاریدا لەگەڵ هەڵبژاردەی كامیرۆن 3 گۆڵی تۆماركرد، هەروەها بەشێك بوو لەو تیپەی كە لە ئۆڵۆمپیادی سیدنی ساڵی 2000 خەڵاتی زێڕی بەدەستهێنا.