ساڵی ڕابردوو بە نزیكەی چوار ملیار دینار ژمارەیەك پرۆژە لە دهۆك جێبەجێ كراون

لەسەر داهاتی دامودەزگەكانی وەزارەتی شارەوانی و گەشتوگوزار ساڵی ڕابردوو لە سنووری پارێزگەی دهۆك، 143 پرۆژەی خزمەتگوزاری بە گوژمەی (3,971,674,018) دینار لە سێكتەرەكانی شارەوانی، ئاو و ئاوەڕۆ، گەشتوگوزار، نەخشەدانانی ئاوەدانی جێبەجێ كراون.
سێكتەرەكان:
- سێكتەری شارەوانی، 64 پرۆژە بە گوژمەی (2,712,068,000) دینار.
- سێكتەری ئاو و ئاوەڕۆ، 77 پرۆژە بە گوژمەی (1,231,656,018) دینار.
- سێكتەری گەشتوگوزار، یەك پرۆژە بە گوژمەی (11,750,000)دینار.
- سێكتەری نەخشەدانانی ئاوەدانی، یەك پرۆژە بە گوژمەی (16,200,000)دینار.
شایەنی باسە، ئەو 143 پرۆژەیە، تەنیا ئەو پرۆژانەن كە لەسەر داهاتی دامودەزگەكانی وەزارەتی شارەوانی و گەشتوگوزار جێبەجێ كراون، هاوكات لە ساڵی ڕابردوودا ژمارەیەك پرۆژەی دیكەی خزمەتگوزاری لەلایەن حكوومەتی هەرێمی كوردستانەوە گوژمەیان بۆ تەرخان كراوە و تەواو كراون، هەروەها ژمارەیەك پرۆژەی دیكەی بەردەوامیش هەن كە كاركردن تێیاندا بەردەوامە.