سزای سێدارەی دوو هاووڵاتیی کورد بە ناوەکانی خالق خزرزادە و ڕەشید لەوەندەپوور بە تۆمەتی بازرگانیکردن بە ماددە هۆشبەرەکان لە بەندیخانەکانی بەندەر عەباس و کەرەج جێبەجێ کرا.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو؛ بەرەبەیانیی ئه‌مڕۆ دووشەممە،9ى1ى2023، سزای سێدارەی خالق خزرزادە، تەمەن 32 ساڵ و خەڵکی شاری پیرانشار، لە بەندیخانەی ناوەندیی بەندەر عەباس جێبەجێ کرا.
هاوکات سزای سێدارەی ڕەشید لەوەندپوور، هاووڵاتیی کورد و خەڵکی گوندی "خرەکووش"ی ئورمیە، لە بەندیخانەی ڕەجایی‌شاری کەرەج جێبەجێ کرا.
خالق خزرزادە دوو ساڵ پێش و ڕەشید لەوەندپوور چەند ساڵ پێش بە تۆمەتی بازرگانیکردن بە ماددە هۆشبەرەکان دەستبەسەر کران و دواتر لەلایەن دەزگای دادوەریی کۆماری ئیسلامیی ئێرانەوە سزای لەسێدارەدانیان بەسەردا سەپا.
هەواڵی لەسێدارەدانی ئەو دوو هاووڵاتییە کوردە تاکوو کاتی داڕشتنی ئەم هەواڵە لە ڕاگەیاندنەکانی کۆماری ئیسلامیی ئێران و بەتایبەت ڕاگەیاندنی فەرمیی دەزگای دادوەریی کۆماری ئیسلامی ڕانەگەیەندراوە.
کۆمێنت (0)
تا ئێستا هیچ کۆمێنتێک نەکراوە.