به‌هۆی داڕمانی شاخه‌كه‌ی ئه‌مڕۆی دوكان دوو كه‌س بریندار بوون

سه‌رۆكایه‌تی شاره‌وانی دوكان ڕایگه‌یاند كه‌ به‌هۆی داڕمانه‌كه‌ی ئه‌مڕۆ دووشه‌می به‌شێك له‌ شاخی سارا له‌ شارۆچكه‌ی دوكان، دوو كه‌س بریندار بوون.

شاره‌وانی دوكان ڕایگه‌یاند: بە هۆکاری سروشتی بەشێک لە شاخی سەر شەقامی گشتی دوکانی سەروو، تووشی داڕمان دەبێت و شەقامەکە دادەخرێت.

ڕاشگه‌یاند: بە هۆی داڕمانی شاخه‌كه‌ ستوونێکی کارەبا كه‌وت‌ و ئۆتۆمبێلێکی قەمەرەش له‌ جۆری (تویتا کرۆلا ـ تەکسی) زیانی بەركه‌وت‌، هه‌روه‌ها شۆفێر و سەرنشینه‌كه‌شی بە سووکی بریندار بوون .

سه‌رۆكایه‌تی شاره‌وانی دوكان ئاماژه‌ی به‌وه‌ش دا كه‌ ئێستا تیمەکانی شارەوانیی دوکان سەرقاڵی پاکردنەوەی شەقامەکەن و داواشی لە شۆفێران كرد بە وریاییەوە هاتوچۆ بە شەقامەکە بکەن و تەنها ڕێگە لاوەکییەکە بەکار بهێنن.