پۆلیسی گه‌رمیان ئاشكرای كرد كه كه‌سێكیان ده‌ستگیركردووه 12 ملیۆن و 4200 دۆلاری ئه‌مه‌ریكی له هاوسێیه‌كیان دزی بوو.
موقه‌ده‌م عه‌لی جه‌مال له پۆلیسی گه‌رمیان ڕایگه‌یاند: له شه‌وی سه‌ری ساڵ هاووڵاتییەکی گەڕەکی کەلاری کۆن له شارۆچكه‌ی کەلار سکاڵای هێنایە لای پۆلیس کە لە ماڵەکەیاندا بڕی 12 ملیون دیناری عێراقی و 4200 دۆلاری ئەمه‌ریکی دزراوە .
ڕاشیگه‌یاند: دوای لێکۆڵینەوە و بەدواداچوونه‌كان، بەشی پۆلیسی نەهێشتنی تاوانی گەرمیان توانیان تۆمەتبار کە دراوسێی سکاڵاکارە بناسنەوە و دەستگیری بکەن.
ئاماژه‌ی به‌وه‌ش دا كه تۆمەتباره‌كه لەدایکبووی ساڵی 1978 و دانی بە تاوانەکەی داناوە و ئێستاش بە بڕیاری دادوەر و بەپێی مادەی 446 بەندکراوە.
جه‌ختیشی كرده‌وه كه پۆلیس دەستی بەسەر پارە دزراوەکەدا گرتووە و دوای ته‌واوكردنی ڕێکاره یاساییه‌كان، ڕادەستی خاوەنەکەی دەکرێتەوە.
کۆمێنت (0)
تا ئێستا هیچ کۆمێنتێک نەکراوە.