ئه‌مڕۆ دووشه‌م له كۆمه‌ڵگه‌ی بشیریان له سنووری شاره‌دێی كه‌ڵه‌ك گه‌نجێك به‌هۆی رۆچوونی بیرێكه‌وه گیانی له‌ده‌ست دا.
عه‌مید سه‌عدی به‌رزنجی به‌ڕێوه‌به‌ری پۆلیسی به‌رده‌ڕه‌ش به (كوردستان تیڤی) ڕاگه‌یاند: له كۆمه‌ڵگه‌ی بشیریان سه‌ر به شاره‌دێی كه‌ڵه‌ك، ئه‌مڕۆ دووشه‌م گه‌نجێكی ته‌مه‌ن 27 ساڵ به‌ناوی (ئه‌رسه‌لان سالم سه‌لیم) به‌هۆی ڕۆچوونی بیره‌وه گیانی له‌ده‌ستداوه.
سه‌باره‌ت به هۆكاری رووداوه‌كه و رۆچوونی بیره‌كه، عه‌مید سه‌عدی ڕاشیگه‌یاند: به‌گوێره‌ی زانیارییه سه‌ره‌تاییه‌كان، گه‌نجه‌كه به مه‌به‌ستی خاوێنكردنه‌وه‌ی چۆته ناو بیره‌كه و له كاتی كاركردنیشدا به‌داخه‌وه بیره‌كه ڕۆچووه و به‌سه‌ریدا كه‌وتووه.
ڕاشیگه‌یاند: بیره‌كه تازه هه‌ڵكه‌نراوه و قووڵاییه‌كه‌ی ته‌نیا 2 مه‌تر بووه.
به‌ڕێوه‌به‌ری پۆلیسی به‌رده‌ڕه‌ش ئاماژه‌ی به‌وه‌ش دا كه به‌داخه‌وه ئه‌و گه‌نجه‌ی گیانی له‌ده‌ستداوه، خێزانداره و خاوه‌نی سێ منداڵه.
سه‌نگه‌ر گۆران / به‌رده‌ڕه‌ش
کۆمێنت (0)
تا ئێستا هیچ کۆمێنتێک نەکراوە.