ئه‌نجوومه‌نی وه‌زیرانی عێراق ئه‌مڕۆ سێشه‌م فه‌رمانی به سه‌رجه‌م فه‌رمانگه و داموده‌زگاكانی حكوومه‌ت كرد كه نرخی كاڵاكان به دینار بفرۆشن كه به‌پێی نرخی دۆلار به‌رامبه‌ر بێت به (1470).
نووسینگه‌ی ڕاگه‌یاندنی ئه‌نجوومه‌نی وه‌زیران بڵاوی كرده‌وه: ئه‌نجوومه‌نی وه‌زیرانی سه‌رجه‌م داموده‌زگاكانی حكوومه‌تی پابه‌ند ده‌كات به فرۆشتنی كاڵا و خزمه‌تگوزارییه‌كان به دیناری عێراق به‌پێی نرخی فه‌رمی ئاڵوگۆڕی (1470) دینار بۆ یه‌ك دۆلار.
ئه‌مه له‌كاتێكدایه كه ئه‌مڕۆ سێشه‌م نرخی 100 دۆلاری ئه‌مه‌ریكی له بازاڕه‌كانی گۆڕینه‌وه‌ی دراوی بیانی له شاره‌كانی هه‌ولێر و به‌غدا و سه‌رجه‌م پارێزگاكانی تریش ژماره‌یه‌كی پێوانه‌یی تۆمار كرد و گه‌یشته 160 هه‌زار 750 دیناری عێراقی.
ئه‌م كاره‌ی ئه‌نجوومه‌نی وه‌زیرانی عێراق یه‌كێكی تره له هه‌وڵه‌كان بۆ جێگیركردنی نرخی دۆلار و ڕێگریكردن له به‌رزبوونه‌وه‌ی زیاتری دراوی بیانی به‌رامبه‌ر به دیناری عێراقی.
کۆمێنت (0)
تا ئێستا هیچ کۆمێنتێک نەکراوە.