ئەمڕۆ چوارشەممە،11-1-2023 لیژنەی دارایی لەئەنجومەنی نوێنەرانی عێراق ڕاگەیاند، ژمارەی فەرمانبەران لە وەزارەتەكانی دەوڵەت لە سێ ملیۆن و نیو فەرمانبەر تێدەپەڕێت.
موعین كازمی، ئەندامێكی لیژنەكە، بە ئاژانسی هەواڵی عێراقی ڕاگەیاند: تەرخانكراوەكان لە بودجەی ساڵی 2023دا خراونەتەڕوو، لەوانە زیاتر لە 250 هەزار پلەی وەزیفی بۆ وەزارەتی پەروەردە، هەروەها 74 هەزار پلەی وەزیفی بۆ یەكەمەكان و هەڵگرانی بڕوانامەی باڵاتر.
ئاماژەی بەوەشكرد، لە وەزارەتی كارەبا 102 هەزار پلەی وەزیفی هەیە بۆ گۆڕینی خاوەن گرێبەستەكان بۆ هەمیشەیی.
جەختیشیكردەوە كە ژمارەی فەرمانبەران لە دامودەزگاكانی دەوڵەتدا لە سێ ملیۆن و نیو فەرمانبەر تێدەپەڕێت.
ئاماژەی بەوەشكرد، كە دەرئەنجامەكانی ئەمە دەبێتە هۆی بەرزكردنەوەی بەهای مووچەی فەرمانبەران لە 42 ترلیۆن دینارەوە بۆ 60 ترلیۆن دینار.
ژمارەی فەرمانبەرانی حكومەتی عێراق 3 ملیۆن و 500 هەزار كەس تێدەپەڕێت
100%
کۆمێنت (0)
تا ئێستا هیچ کۆمێنتێک نەکراوە.