پاریس سان جێرمان دوای سەرکەوتنێکی شایستە بەسەر ئەنژێ-دا ھاوسەنگی خۆی بەدستھێنایەوە

لە میانی یارییەکانی ھەفتەی ھەژدەھەمی خولی تۆپی پێی فەڕەنسا (1 Ligue)دا، یانەی پاریس سان جێرمان بە ئەنجامی 2-0 لە یانەی ئەنژێ-ی بردەوە.


یانەی پاریس سان جێرمان لە میانی یارییەکانی ھەفتەی ھەژدەھەمی خولی تۆپی پێی فەڕەنسا (Ligue 1)دا، دوای ئەوەی سەرکەوتنێکی شایستەی بەسەر یانەی ئەنژێ بە ئەنجامی2-0 تۆمار کرد، ھاوسەنگی خۆی لە خولەکەدا، بەدستھێنایەوە.

یانەی پاریس سان جێرمان لە یاریگای خۆی "Parc des Princes"، میوانداری یانەی ئەنژێ-ی کرد.

دوای پێنج خولەک لە دەست پێ کردنی یارییەکە، ھێرشبەری یانەی پاریس سان جێرمان، ھۆگۆ ئیکیتیکی یەکەم گۆڵی تۆمار کرد و دواتر لە خولەکی ٧٢ گێمی دووەمی یارییەکەدا، ھێرشبەری یانەی پاریس سان جێرمان، لیۆنێل مێسی گۆلی دووەمی تۆمار کرد.

یارییەکەیش بە ئەنجامی 2-0 لە بەرژەوەندی یانەی پاریس سان جێرمان کۆتایی ھات و سێ خاڵی یارییەکەی بەدەست ھێنا.

پێشتر یانەی پاریس سان جێرمان تووشی دۆڕاندنێکی قورس هاتبوو، کاتیک بە ئەنجامی 3-1 بەرامبەر بە یانەی لانس دۆڕا کە ئەوەیش لەم وەرزەدا یەکەم شکست بوو بۆ راھێنەر کریستۆف گاڵتیەر.

بەم ئەنجامەیش کۆی خاڵەکانی یانەی پاریس سان جێرمان لە ٤٧ خاڵدا مایەوە و ریزبەندی یەکەمی (1 Ligue)ی گرتووە، یانەی ئەنژێ-یش کە ئەمە 14مین شکستە لەم وەرزەدا تووشی ھات بە کۆکردنەوەی ھەشت خاڵ لە ریزبەندی کۆتایی خولەکەدایە.