مانچسته‌رسیتی ماڵئاوایی لە جامی ئینگلتەرا كرد

لە جامی ئینگلتەرادا ساوسهامپتۆن لە مانچستەر ستی بردەوە

لە قۆناغی چارەکی کۆتایی جامی ئینگلتەرا (EFL Cup)دا، یانەی ساوسهامپتۆن لە یاریگای خۆی بە دوو گۆڵی بێ بەرامبەر لە یانەی مانچستەر ستی بردەوە و بەم ئەنجامەش سەرکەوت بۆ نیوەی کۆتایی جامەکە.

قۆناغی چارەکی کۆتایی جامەکە بە دوو یاری بەردەوام بوو.

ساوسهامپتۆن بە گۆڵەکانی یاریزانان سێکۆ مارا (لە خولەکی 23) و مۆسا دینێپۆ (لە خولەکی 28)، سەرکەوتنی بۆ قۆناغی دواتر مسۆگەر کرد.

لە یارییەکی دیکەدا، یانەی نۆتینگهام فۆرێست دوای ئەوەی کاتی ئاسایی یارییەکە بە ئەنجامی 1-1 تەواو بوو، بە لێدانی یەکلاکەرەوە بە ئەنجامی 3-4 بەسەر وۆڵڤەرهامپتۆن سەرکەوتنی بەدەست هێنا و بووە یەکێک لەو چوار تیپەی کە لە قۆناغی نیوەی کۆتاییدا رووبەڕووی یەکتردەبنەوە.

پێشتریش یانەکانی مانچستەر یونایتد و نیوکاسڵ یونایتد، گەیشتبوونە قۆناغی پێش کۆتایی.