هێزی ئاسمانی عێراق هەوڵی كڕینی فڕۆكەی دیكەی جەنگی دەدات

  شەهاب جاهید، فەرماندەی فەرماندەیی هێزی ئاسمانی عێراق بە ئاژانسی هەواڵی عێراق  ڕایگەیاند، هێزی ئاسمانی توانای ئەوەی هەیە پارێزگاری لە خاكی عێراق بكات لە هەموو دەستدرێژكارێك .
ئاماژەی بەوەشكرد، لەپلانی ئەمساڵدا تیشك دەخرێتە سەر نۆژەنكردنەوەی ژێرخانی بنەڕەتی هێزی ئاسمانی، بەو پێیەی دەبێت پێش وەرگرتن و كڕینی فڕۆكەكان ،پرۆسەیەكی ئامادەكردنی بنكەی ئاسمانی بەڕێوەبچێت.
هێمای بۆ ئەوەش كرد كە هێزی ئاسمانی بە شێوەیەكی سەرەكی گرنگی بە نۆژەنكردنەوەی بنكە ئاسمانییەكان داوە، لە هەمان كاتیشدا پلان هەیە بۆ كڕینی فڕۆكە بۆ دەستەبەركردنی ئەركی پاراستنی ئاسمان و وشكانی عێراق.