دوای نیوه‌رۆی ئه‌مرۆ پێنجشه‌م به‌هۆی تیژڕۆییه‌وه ڕووداوێكی هاتوچۆ له شاری هه‌ولێر كه‌وته‌وه و له رووداوه‌كه‌ش پیاوێك گیانی له‌ده‌ست دا و هاوسه‌ره‌كه‌شی به سه‌ختی بریندار بوو.
فازڵ حاجی گوته‌بێژی هاتوچۆی هه‌ولێر ڕایگه‌یاند: کاتژمێر 1:20ی دوای نیوەڕۆی ئەمڕۆ پێنجشه‌م، لەسەر ڕێگای سەرەکی (هەولێر-پیرمام) لە نزیک مەلەوانگەی تارین، لە سایدی هاتن بەرەو ناو شار ڕووداوێكی هاتوچۆی سه‌خت ڕووی دا.
ڕاشیگه‌یاند: له ڕووداوه‌كه‌دا لاندکرۆزێکی تایبەت بەهۆی تیژڕۆیی کۆنترۆلی لەدەست دا و چووە سایدی بەرامبەر و له‌وێ خۆی کێشا بە ئۆتۆمبێلێکی تری تایبەت کە شوفێر و سەرنشینێکی تێدابوو كه هاوسه‌ری یه‌كتر بوون.
هه‌روه‌ها ڕایگه‌یاند: بەداخەوە لە دەرئه‌نجامی ڕووداوەکە شوفێری ئۆتۆمبێلە تایبەتەکە کە هیچ تاوانێکی نەبوو گیانی لەدەست دا هاوسەره‌كه‌شی بە سەختی زامدار بوو.
کۆمێنت (0)
تا ئێستا هیچ کۆمێنتێک نەکراوە.