راهێنه‌ری ئاڕسناڵ خه‌ڵاتی باشترین راهێنه‌ری مانگی رابردووی پێ به‌خشرا

یه‌كێتی تۆپی پێی ئینگلیزی خه‌لاتی باشترین راهێنه‌ری مانگی رابردووی به‌خشیه‌ راهێنه‌ری یانه‌ی ئارسنال میكێل ئارتێتا .
 ئارتێتای ئیسپانی مانگی رابردوو سه‌ركردایه‌تی یانه‌ی ئارسنالی كردو توانی چوار سه‌ركه‌وتن به‌سه‌ر یانه‌كانی چێلسی و وۆلڤه‌رهامبتۆن و برایتۆن و وێستهام تۆمار بكات و یانه‌كه‌شی له‌ پله‌ی یه‌كه‌می ریزبه‌ندی یانه‌كانی خوله‌كه‌ بهێلێته‌وه‌و به‌ جیاوازی پێنج خال دووربێ له‌ نزیكترین ركابه‌ری كه‌ یانه‌ی مانچسته‌ر ستیه‌ . 
ئارتێتای ئیسپانی چواره‌م جاره‌ ئه‌م خه‌لاته‌ ده‌باته‌وه‌ دوای ئه‌وه‌ی له‌ مانگی ئه‌یلولی دووهه‌زارو بیستو یه‌ك و مانگی سێوو هه‌شتی دووهه‌زارو بیست و دوو به‌باشترین راهێنه‌ری مانگی به‌ده‌ستهێنابوو .